E temporada di mas importante den un aña eskolar ta trahamentu di pruebanan. E unikó aspekto ku ta importá pa e studiantenan ta e punto di e prueba.
E fayo di mas grandi ku hopi studiante ta kometé durante e periodo krítiko aki, ta kome malu y no salú. “Junk food,” “chukulati,” “Energy drinks,” y “cheps” ta wòrdu kome kontinuamente enbes di kumindanan ku por “Keep energy level up”. Esaki no tin efekto riba bo bida salú pero si e tin un efekto negativo riba bo prestashon den èksamen.
Aki mi ta rekomendá algun kuminda pa bo sesu durante e periodo di mas “stressful.”

• Salmou ku saldinchi mihó konosí komo “Oily fish” ta karga hopi protehina y omega 3, kual ta hopi esenshal pa laga nos sesu funshona bon.
• Webu, un di e kuminda di mas versá na nos planeta. Herebé, hasá, manera bo ke, e ta salú y bon pa nos sesu. Ken tin gana di tende su barika gruña durante un èksamen?
• Nos tur sa, bèrdura y fruta ta konsistí di hopi mineral y vitamina. Bèrdura ku fruta tambe ta hopi abou na kaloria y nan ta hopi dushi.
• Hopi hende ta pensa ku pinda no ta salú, pero e ta kontené hopi protehina. Esei ta nifiká, kuminda pa sesu. Un otro parti bon ta, pinda no ta kaduká mesora, kiermen bo por ward’e kualke ora ku bo mester di dje pa studia.

“Keep calm, eat on, live healthy”

Robert de Jongh