Mayoria di nos ta pensa ku dunamentu di “tur kos” di nos banda por laga nos kere ku un hende por bira e frei korekto. Esei ta fòut. Pa bo baila wals, bo mester di dos hende ku smak i ku gana pa e baile ta perfekto.
– E ta simpel. E sekreto ta stima bo mes promé, balorá bo mes komo hende i sa kiko ta bo normanan i balor promé bo drenta den un relashon. Asina bosá kiko bo ké i kiko bo ta fèrwagt di risibí bèk di bo pareha.
– No duna dimas pa bo haña ménos bèk. Duna di kurason sin kòrda ku bo ta fèrwagt algu bèk. Ta konsiente ku amor bo no tin ku limosná pa bo hañ’E. Si e no ta sali di e hende su propio boluntat, lague para i warda ku pasenshi.
– E frei korekto bo no mester bai busk’e, e mes lo kana su kaminda i yega serka bo. I tambe ta realista ku bo mes. Stima un hende no ta nifiká bo tin ku pèrdè bo mes den e amor ei. Un amor obligá ta kaba na tragedia. Un amor kontaminá lo kibra bo kurason hopi mas.

E tres reglanan pa bo tin un relashon korekto i sano:
1. Stima bo mes promé, sino lo bo no por stima un otro;
2. No fèrwagt mas di loke bo ta duna un hende;
3. No obligá un hende pa stima bo. El lo hùrt bo mas di loke bo por a spera.

E nifikashon di stima un hende ta.

“Stima un hende te ku e hende ta sintié liber i no un prizonero den su propio relashon.”

Dayrina Willems